Yerevan/15.04.16/Turan-Armİnfo: Ermənistanın müdafiə naziri Seyran Ohanyan Azərbaycanın ünvanına hədə-qorxu ilə çıxış edərək bildirib ki, “erməni kəşfiyyat bölmələri münaqişə zonasında vəziyyətə ümumi nəzarət üçün kompleks tədbirlər hazırlayır”.
O, Ermənistan İctimai Televiziyasına müsahibəsində deyib ki, Ermənistan intensiv olaraq yeni silahlar alır və 2-5 aprel döyüşlərində Azərbaycanda olmayan həmin silahların çox az hissəsindən istifadə edilib.
Ohanyan öz tankçılarını və artilleristlərini tərifləyərək deyib ki, onlar Azərbaycanın hücumunun qarşısını alaraq “düşmənin iç hissələrində ona zərbə endirib”.
Bununla da o dolayısı ilə etiraf edib ki, erməni tərəfi Azərbaycan ərazilərinin dərinliyini atəşə tutublar. Ohanyanın sözlərindın o da aydın olur ki, erməni tərəfi ərazi itkisini etiraf edir və onu geri qaytarmaq istəyir.-02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz