Ölkənin şimal-qərb bölgəsində səfərdə olan Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Şəkidə dini icmalar önündə çıxış edib.
Ölkədəki dini durumu dəyərləndirən A.Paşazadə dindarları birliyə dəvət edib.
İnsanın iman yeri olan dindən müsəlmanların birliyinə yox, parçalanmasına çalışanlara imkan verilməyəcəyini bəyan edib.
Son vaxtlar ölkədə məzhəbçilik, təfriqəçilik meyllərinin olduğuna diqqət çəkən A.Paşazadə belə hallara qarşı mübarizənin gücləndirilməsini zəruri sayıb.
QMİ sədri din-dövlət münasibətlərinə toxunaraq dindən şəxsi, siyasi maraq üçün istifadənin yolverilməz olduğunu nəzərə çatdırıb.
A.Paşazadə səfərdə olduğu bölgədə dini təriqətlərin fəallığını nəzərə alaraq, din xadimlərinə ehtiyatlı olmaq çağırışı edib.“O insanlar ki, yollarını azıblar, kimlərsə onları bəlkə də Allah üçün, din üçün yox, siyasət üçün yolundan azdırır, bu şəxslər səhvlərini başa düşərək tezliklə düz yola qayıtsınlar”, - deyə A.Paşazadə tövsiyə verib. -05B-
Cəmiyyət
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
-
Həmkarlar ittifaqına aid qeyri-hökumət təşkilatı olan “İşçi Masası Konfederasiyası”nın sədri Afiyəddin Məmmədov, Azərbaycanda sosial şəraitin pisləşməsi və vətəndaşların həbsi ilə bağlı etiraz əlaməti olaraq həbsxanada müddətsiz aclıq aksiyasına başlayıb, onun ailəsi cümə günü bildirib.
-
Abşeron rayonunun Xırdalan şəhərində yerləşən çoxmərtəbəli yaşayış binasında yanğın baş verib. Hadisə ilə bağlı Fövqəladə Hallar Nazirliyi (FHN) dərhal əraziyə qüvvələr cəlb edib, rəsmilər şənbə günü bildirib.
Rəy yaz