Çərşənbə axşamı Qafqaz Müsəlmanları İdarəsində (QMİ) Məhərrəm ayının başlanması ilə bağlı qazi və müftilərin toplantısı keçirilib. Məhərrəmlik ayı bu il noyabrın 16-da başlanır, bu ayda qeyd edilən Aşura mərasimi noyabrın 25-nə təsadüf edir.
QMİ hər il olduğu kimi, bu ilə də Aşura mərasimi çərçivəsində qanvermə kampaniyası keçirməyi nəzərdə tutur. Aşura ilə bağlı QMİ Qazilər Şurasının fətvasında zəncir, qurğaşa qədər soyunaraq sinə vurmamaq tövsiyə edilir.
Toplantıda çıxış edən QMİ sədri Allahşükür Paşazadə niqtini əsasən din xadimlərini tənqidi üzərində qurub. Din xadimlərini məzhəbçiliyi qızışdırmamağa, dini təftiş etməməyə, moizələrinə diqqətli olmağa çağırıb. “Moizənizdə kiminsə xoşuna gələni yox, həqiqi olanı söyləyin”- , QMİ sədri din xadimlərinə irad tutub. O, moizələrdə təkcə dindən yox, həm də günün aktual məsələlərindən danışmağı tövsiyə edib. Din xadimlərinə müasir informasiya texnologiyaları vasitələrindən istifadə etməyi öyrənməyi məsləhət görüb.
Paşazadə sünni məzhəblilərə Aşura günü məscidlərdə olmağı tövsiyə edib. Aşura günü məscidlərdə əhli-sünnə əleyhinə mənfi fikir söyləyənlərin cəzalandırılacağı barədə xəbərdarlıq edib. O bildirib ki, Aşura günü QMİ-nin nümayəndələri məscidlərə gedərək oradakı çıxışlar, davranışlar haqda QMİ-yə informasiya verəcəklər. A.Pazaşadə Aşura mərasiminin küçə yürüşlərilə qeyd olunmasına son qoyulması üçün din xadimləri və dini icma rəhbərlərini məsuliyyətli olmağa çağırıb.
Dini Qurumlarla İş üzrə Dövlət Komitəsinin sədr müavini Gündüz İsmayılov din xadimlərini moizələrində aşura mərasiminin mahiyyətini açmağa çağırıb. Kərbəlada İmam Hüseyn mübarizəsinin haqq-ədalət uğrunda olduğunu deyən sədr müavini bu mübarizəni islam həmrəyliyinə zərbə vurmadan izah etməyin vacibliyinə diqqəti çəkib.
Qeyd edək ki, Məhərrəmlik matəmi şiəliyin tərəfdarı, Məhəmməd Peyğəmbərin nəvəsi Hüseynin və onun tərəfdaşlarının qətli ilə bağlıdır. Lakin sünnülər üçün o, qəhrəman sayılmır, sıravi müsəlman hesab olunur. Bu cür münasibət sünnülərlə şiələr arasında ziddiyyətin səbəblərindən biridir.-05C-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz