Oktyabr ayinda təkrar mənzil bazarinda qiymətlər dəyişməz olaraq qalib

Oktyabr ayında Təkrar Mənzil Bazarında (TMB) qiymətlər dəyişməz olaraq qalıb. Qiymətlər ilin əvvəlinə nisbətdə orta hesabla-2% ucuzlaşıb, ötən ilin müvafiq dövrünə nisbətdə isə orta hesabla -2,2% bahalaşıb. Hal-hazırda TMB-da orta qiymət indeksi təxminən 1kv/m üçün-980 ABŞ dollarından daha aşağıdır. Qiymətlərin sabit qalmasına baxmayaraq , son bir ayda bazarda nisbi aktivlik müşahidə edilmişdir. Aktivlik Yasamal, Xətai, 8 mk-r dairəsi, Nərimanov-Gənclik ətrafı ərazilərdə daha çox hiss olunmuşdur. Aparılan araşdırmalar göstərirki, hal hazırda mənzil alanların 90% -ni mənzillərini dəyişdirənlər, 7%-ni ipoteka və kredit şərtləri ilə alanlar, yalnız 3-ni isə bir başa öz maddi ehtiyatları hesabına alanlar təşkil edir. Son bir ayda təklif üzrə 4 və 5 otaqlı mənzillərin sayında azalma baş verib, 1, 2 və 3 otaqlı mənzillərin təklif üzrə payında isə artım müşahidə olunub. Ən çox artım 2 otaqlı mənzillərdə qeydə alınıb. Bazarda mənzillərin 1 kv.m-nin orta qiymətindən (980 ABŞ dolları) aşağı olan mənzillər ümumi portfeldə daha çox paya, yəni 53,3%-ə malikdir.

Yaxın günlərdə TMB-da sabitliyin davam edəcəyi proqnozlaşdırılır. Lakin buna baxmayaraq İpoteka kreditlərinin veriləcəyi təqdirdə bazardakı aktivliyin güclənməsi,  qiymətlərin isə bahalaşacağı istisna olunmur.