Yağış üçün yeni hava xəbərdarlığı (yenilənib)

Milli Hidrometeorologiya Xidmətinin sinoptikləri növbəti üç gün ərzində Azərbaycanda fasilələrlə yağış yağacağı ilə bağlı yeni xəbərdarlıq yayıb.

Bakıda və Abşeron yarımadasında dekabrın 1-i gündüzdən 2-si səhərədək bəzi yerlərdə yağıntılı olacağı gözlənilir.

Ölkənin bəzi yerlərində yağıntılı hava şəraiti dekabrın 3-dək davam edəcək.

Bəzi şərq rayonlarında intensiv olacağı, leysan xarakterli olacağı, dağlıq ərazilərdə qar yağacağı gözlənilir.

Xüsusilə Lənkəran-Astara bölgəsində qısamüddətli daşqın və sel sularının keçə biləcəyi çaylarda sululuğun artması gözlənilir.

* * *

Sinoptiklər dekabrın 1-də Bakıda havanın buludlu olacağını proqnozlaşdırırlar

Qışın ilk günüdə Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Gecə və səhər bəzi yerlərdə çiskinli olacağı, axşam isə arabir yağış yağacağı ehtimalı var. Şimal-qərb küləyi əsəcək. 

Havanın temperaturu gecə 6-8 dərəcə isti, gündüz 8-10 dərəcə isti olacaq, bu barədə Ekologiya Nazirliyinin Milli Hidrometeorologiya Xidmətinin məlumatında deyilir.

Azərbaycanın rayonlarında bəzi yerlərdə arabir yağıntılı olacağı gözlənilir. Ayrı-ayrı yerlərdə leysan xarakterli olacağı, dağlıq ərazilərdə qar yağacağı ehtimalı var. Arabir duman olacaq. Mülayim şərq küləyi əsəcək.

Havanın temperaturu gecə 1-6 dərəcə isti, gündüz 7-12 dərəcə isti, dağlarda gecə 5-10 dərəcə şaxta, gündüz 3 dərəcə şaxtadan 2 dərəcəyədək isti olacaq.