Sinoptiklər havanın kəskin soyuyacağını bildirirlər
Bakı/20.11.23/Turan: Noyabrın 20-də günorta saatlarından başlayaraq 21-i axşam saatlarına qədər Bakıda və Abşeronda şimal-qərb küləyinin gücünün saniyədə 15-20, arabir 23-28 metrə çatacağı gözlənilir, xəbəri Ekologiya Nazirliyinin Milli Hidrometeorologiya Departamenti yayıb. Eyni zamanda yağış yağacağı, bəzi yerlərdə leysan xarakterli olacağı gözlənilir.
Havanın temperaturu gündüz 11-13 dərəcəyə qədər düşəcək.
Azərbaycanın qərb bölgəsində müşahidə olunan yağıntılı qeyri-sabit hava şəraiti noyabrın 21-i gecə saatlarına qədər davam edəcək.
Naxçıvan, Şərqi Zəngəzur, Qarabağ, Gəncə-Qazax bölgəsində, Böyük Qafqaz dağlarında, habelə mərkəzi bölgədə və Lənkəran-Astara bölgəsində leysan yağışı yağacaq. Havanın temperaturu aran rayonlarında gündüz 11-16 dərəcə təşkil edəcək. Dağlarda gecə 2-6 dərəcə şaxta, gündüz 2 dərəcə şaxtadan 3 dərəcəyədək isti olacaq.
Qərb küləyinin gücü saniyədə 15-20, arabir 23-28 metr təşkil edəcək.
Çaylarda sululuğun artacağı gözlənilir. 0
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz