Arxiv
Baki/25.04.17/Turan: “Hüseyn Cavid prospekti, 566 ünvandakı hündürmərtəbəli binanın yaxınlığındakı tikilinin sökülməsi tam qanuna uyğun həyata keçirilib. Həmin tikilinin sahiblərinə bazar qiymətlərinə uyğun olaraq, kompensasiya ödənilib”.
Aparelin 25-nə keçən gecə Hüseyn Cavid prospektində söküntü işləri aparmış “Olympus” şirkətindən Turan-a belə deyiblər.
Tikinti şirkəti bildirir ki, Hüseyn Cavid prospekti, 566 ünvandakı hündürmərtəbəli binanın ətrafı öncədən nəzərdə tutulan planlamaya əsasən, abadlaşdırılmalı idi. Ancaq binaya yaxınlıqda yerləşən bəzi tikililərin sökülməsi onların sahiblərinin xahişinə görə yubanıb.
“Köhnə tikililərin söküntüsü, habelə tikinti işləri qanuna uyğun şəkildə həyata keçirilib. Həmin tikililərin sahibləri ilə razılaşma olub və bu müqavilələrlə sənədləşdirilib. Razılaşmaya müvafiq olaraq tikili sahiblərinə kompensasiya da artıq ödənilib”, şirkətdən bildiriblər.
Yada salaq ki, aprelin 24-ndən 25-nə keçən gecə bir qrup sakin Hüseyn Cavid prospektində yolu bağlamağa cəhd göstərmişdilər. Onlar Hüseyn Cavid-566 ünvanında yerləşən binanın həyətindəki mənzillərin sökülməsinə etiraz edirdilər.
Sakinlər Azadlıq Radiosuna bildirmişdilər ki, Hüseyn Cavid-566 ünvanındakı binanın sahibi həyətdəki mənzilləri sökmək istəyir. Onlar tikinti şirkəti tərəfindən aldadıldıqlarını, söküləcək mənzillərinin sahəsinin realda olduğundan az hesablandığını, az kompensasiya aldıqlarını bildirmişdilər.
Dünən gecə həmin mənzillər sökülüb.
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz