Şirvan «Araz» zavodunda baş vermiş hadisə nəticəsində iki nəfər həyatını itirib (YENİLƏNİB)

İyulun 26-da Müdafiə Sənayesi Nazirliyinin Şirvan “Araz” zavodunda baş vermiş hadisə nəticəsində müəssisənin iki əməkdaşı – Məmmədov Ağamir Allahyar oğlu və Nuriyeva İlhamə Əsgər qızı həyatlarını itiriblər.

Bu barədə  Turana  Müdafiə Sənayesi Nazirliyindən məlumat verilib.

2016 İyul 26 (Çərşənbə axşamı) 21:16:13

  Iyulun 26-da saat 15:30 radələrində Müdafiə Sənayesi Nazirliyinin Şirvan şəhərində yerləşən “Araz” zavodunun utilizasiya sahəsində partlayış baş vermişdir. Faktla bağlı cinayət işi başlanılıb. Bu barədə Azərbaycan Respublikasının Baş Prokurorluğu, Daxili İşlər və Fövqəladə Hallar nazirliklərinin məlumatında bildirilir.

Dərhal hadisə yerinə Fövqəladə Hallar, Müdafiə Sənayesi, Daxili İşlər, Səhiyyə nazirliklərinin və Baş Prokurorluğun əməkdaşları, həmçinin Fövqəladə Hallar Nazirliyinin maşın, mexanizm və canlı qüvvəsi cəlb olunmuş, zəruri birgə tədbirlərin görülməsinə başlanılaraqpartlayışın genişlənməsinin qarşısı alınmış, hadisə nəticəsində müxtəlif dərəcəli bədən xəsarətləri alan 24 nəfərə təcili tibbi yardım göstərilməsi üçün Şirvan Mərkəzi Şəhər Xəstəxanasına və Şirvan Şəhər Diaqnostika Mərkəzinə çatdırılmış və digər təxirəsalınmaz tədbirlər həyata keçirilir.Tibb müəssisələrinə yerləşdirilən şəxslərdən 14-nəambulator yardım göstərilərək evə buraxılmış, digər 7 nəfərin vəziyyəti yüngül, 3 nəfərin isə orta ağır qiymətləndirilməklə müalicələri davam etdirilir.

Fakta görə Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 223.2 (Partlayış təhlükəli obyektlərdə təhlükəsizlik qaydalarını pozmaağır nəticələrə səbəb olduqda)və 314.2-ci (Səhlənkarlıq ağır nəticələrə səbəb olduqda) maddələri ilə cinayət işi başlanmış, Baş Prokurorluq, Daxili İşlər və Fövqəladə Hallarnazirliklərinin əməkdaşlarından ibarət istintaq-əməliyyat qrupu yaradılmışvə digər zəruri prosesual hərəkətlər aparılmışdır.

İlkin araşdırmalarla müəyyən edilmişdir ki, partlayış zavodun utilizasiya sahəsində vaxtı keçmiş müxtəlif kalibrli döyüş sursatlarının utilizasiyaya hazırlıq prosesində baş vermişdir.

Hadisənin baş vermə səbəblərinin müəyyən edilməsi məqsədi ilə cinayət işi üzrə kompleks məhkəmə yanğın-texniki, partlayış, fiziki-texniki, materialşünaslıq, ekoloji, tikinti-texniki, əmtəəşünaslıq və məhkəmə tibbi ekspertizaları təyin edilmişdir.

Hazırda iş üzrə zəruri istintaq tədbirləri davam etdirilir.

Şirvandakı partlayışla əlaqədar baş nazirin birinci müavini Yaqub Eyyubovun rəhbərliyi ilə Dövlət Komissiyası  da yaradılıb. -0-