Şirvan şəhərində “Araz” zavodunda baş vermiş partlayış nəticəsində həlak olan yoxdur, bu barədə Azərbaycan Müdafiə Sənayesi Nazirliyinin məlumatında deyilir.
Məlumatda iddia olunur ki, 11 nəfər yüngül xəsarət alıb, onlara stasionar qaydada tibbi yardım göstərilir.
Partlayışın səbəbi haqqında birmənalı məlumat yoxdur. Partlayışın dəqiq səbəbi araşdırmadan sonra açıqlanacaq, deyə məlumatda qeyd edilir.
Göründüyü kimi, utilizasiya olunan döyüş sursatları partlayıb.
Öz növbəsində, Səhiyyə Nazirliyinin mətbuat xidmətinin rəhbəri Liya Bayramova bildirib ki, hazırda Şirvan xəstəxanasında “Araz” müəssisəsində xəsarət almış 18 nəfər var. Onlar yüngül bədən xəsarəti alanlar, orta dərəcəli yaralılardır, bir nəfər isə reanimasiyadadır.
Bu arada, partlayış yerinə baş prokuror müavini, FHN müavinləri və digər idarələrin nümayəndələri gedib.
Saat 18:30-a olan qeyri-rəsmi məlumatlara görə, zavodda partlayışlar və yanğın davam edir. -06B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz