![Şirvan hərbi zavodu ətrafında vəziyyət gərgin olaraq qalır](https://turan.az/resized/750/500/resize/media/2016/main/072700163562.jpg)
Şirvan hərbi zavodu ətrafında vəziyyət gərgin olaraq qalır
Dünən Şirvanda “Araz” hərbi zavodunda baş vermiş partlayış zamanı xəsarət alanlardan dördü hələ xəstəxanadadır. Onlardan üçü Şirvandadır, bir nəfər Bakıya travmatologiya xəstəxanasına gətirilib. Bu barədə Turan-a Səhiyyə Nazirliyinin mətbuat xidmətinin rəhbəri Liya Bayramova bildirib. Onun sözlərinə görə, yaralıların həyatına təhlükə yoxdur.
Həlak olanlara gəlincə, Səhiyyə Nazirliyi bununla bağlı məlumata malik deyil. L.Bayramova qeyd edib ki, xəstəxanalar olan yaralılar arasında ölən yoxdur.
Qeyd edək ki, dünən partlayışdan sonra rəsmi qurumlar insan ölümü ilə bağlı KİV-də yayılan məlumatları təsdiqləməyiblər. Saat 18:00-da Müdafiə Sənayesi Nazirliyi bildirib ki, həlak olan yoxdur.
DİN, FHN və Baş Prokurorluğun birgə məlumatında da qurbanlar barədə açıqlama verilmir.
Yalnız saat 22:00-da Müdafiə Sənayesi Nazirliyi müəssisə işçilərindən ikisinin həlak olduğunu bildirib.
Partlayışın nəticələrinin aradan qaldırılması ilə bağlı aydın məlumat da yoxdur.
Sosial şəbəkələrdə yayılan məlumata görə, hələlik vəziyyəti tam nəzarətə götürmək mümkün olmayıb və xilasedicilər hərbi sursatların partlama təhlükəsi ilə əlaqədar müəssisə ərazisinə daxil ola bilmirlər. Mənbənin məlumatına görə, müəssisədə hələ də adamlar ola bilər və onların taleyi məlum deyil.
Qeyri-rəsmi məlumatlara görə, müəssisə işçilərinin bir hissəsi yeraltı bunkerdə gizlənə bilər. Lakin rəsmi mənbələr bu məlumatı şərh etmirlər.
Partlayışın səbəblərinin araşdırılması məqsədilə yaradılan Dövlət Komissiyası hələlik heç bir bəyanat verməyib.–06D-
-
- İqtisadiyyat
- 27 İyul 2016 11:00
-
- Siyasət
- 27 İyul 2016 12:52
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz