Türkiyədə «Zaman» nəşrinin 47 jurnalistinin həbsinə order verilib

Türkiyədə dövlət çevrilişinə cəhd işinin araşdırılması çərçivəsində 47 jurnalistin həbsinə order deyilir. Onlar öncələr müxalifətyönlü “Zaman” qəzetində çalışıbıar.

Nəşrin keçmiş rəhbər işçiləri ilə yanaşı bəzi jurnalistlər də həbs təhlükəsi ilə üzləşiblər.

Bu gün səhər polis İstanbulda jurnalist Şahin Alpayın evində olub. İkisaatlıq axtarışdan sonra o saxlanılıb.

Bundan öncə “Zaman” qəzeti islam din xadimi Fətullah Gülənin rəhbərlik etdiyi “Hizmət” hərəkatına məxsus olub.

Türkiyə hakimiyyəti ABŞ-da yaşayan Güləni çevriliş cəhdinin təşkilində ittiham edir.

Martda hakimiyyət faktiki olaraq “Zaman” qəzetini zəbt edib və o vaxtdan hökumətyönlü nəşrə çevrilib.

İyulun 25-də Türkiyədə 42 jurnalistin, o cümlədən tanınmış şərhçi və keçmiş deputat Nazlı İliçakın həbsinə order verilib. O, iyulun 26-da saxlanılıb.

Ümumilikdə, Türkiyədə çevriliş cəhdinin yatırıldığı vaxtdan 60 mindən çox əsgər, polis, hakim, müəllim və dövlət qulluqçusu vəzifəsindən kənarlaşdırılıb və ya istintaq altındadır. -02D-