![MBNP ilə Özəl Kredit Bürosunun yaradılmasının lehinədir](https://turan.az/resized/./turan-750-500-resize.webp)
MBNP ilə Özəl Kredit Bürosunun yaradılmasının lehinədir
İyulun 26-da bank ictimaiyyəti ilə Özəl Kredit Bürosunun (ÖKB) yaradılması məsələsi müzakirə edilərkən Maliyyə Bazarlarına Nəzarət Palatasının Direktorlar Şurasının sədri Rüfət Aslanlı bu təşəbbüsü dəstəklədiyini bildirib.
«ÖKB-nin yaradılması maliyyə xidmətləri infrastrukturunun inkişafının göstəricisidir. Gələcəkdə banklarla yanaşı, bank olmayan kredit təşkilatları, kommunal ödəniş sistemləri, mobil operatorlar və iri pərakəndə şəbəkələri də büronun üzvü ola biləcək», deyə o bildirib.
MBNP mətbuat xidmətinin məlumatına görə, Azərbaycan bankları ÖKB-nin yaradılması üzrə İcra Komitəsi formalaşdırıb. Texniki tərəfdaş kimi İslandiyanın “Creditinfo” şirkəti seçilib.
İslandiya şirkəti texniki dəstəkdən başqa, ÖKB-nin səhmdarlarından biri olacaq. Şirkət kredit bürosunun inkişaf strategiyasının hazırlanmasında da iştirak edəcək. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz