Şirvan zonasında üç qətl hadisəsi

Martın 30-da səhər saat 10:00-da Ucar-Göyçay avtomobil yolunda ağır yol qəzası baş verib.

 “VAZ-21074” markalı avtomobilin sürücüsü Fərhad Abdullayev idarəetməni itirərək ağaca çırpılıb, nəticədə aldığı bədən xəsarətləri ilə rayon mərkəzi xəstəxanasına yerləşdirilib.

Avtomobilə baxış zamanı onun arxa salonunda qadın meyiti aşkar edilib. Bu, F.Abdullayevin həyat yoldaşı, 34 yaşlı Lamiyə Abdullayevanın meyidi olub. Onun çoxsaylı bıçaq xəsarətlərindan öldüyü müəyyən edilib.

Təhqiqat zamanı müəyyən edilib ki, F.Abdullayev qısqanclıq zəminində həyat yoldaşını öldürüb və meyidi hadisə yerindən aparmaq istəyib.

Cinayət işi qaldırılıb. Bu barədə DİN və Baş Prokurorluğun məlumatında deyilir.

Mənbə həmçinin bildirib ki, martın 28-də saat 12:00-da Ağsuda “Ata yurdu” kafesinin sahibi güllələnib. Atəş açan əvvəllər mühakimə olunmuş Ramiz Ələkbərov olub.   

R.Ələkbərovun yaşadığı mənzilə baxış zamanı odlu silahla qətlə yetirilmiş meyit aşkar edilib və onun rayon sakini Sərxan Soltanov olduğu müəyyənləşdirilib.

Polis Bakı-Şamaxı şosse yolunun 119-cu kilometrliyində R.Abdullayevin avtomobilini aşkar edib. Avtomobildən lüləsi və qundağı kəsilmiş 2 ədəd ov tüfəngi götürülüb.

Cinayət işi başlanıb, R.Ələkbərov axtarılır.-02D-