"Buta Sığorta" şirkəti hər ili xalis ziyanlarla başa vurur. Ötən il itkilər 2013-cü ildən daha az olub (müvafiq olaraq 894,25 min və 1 mln. 158,92 min - 22,8% fərqlə), buna baxmayaraq, itki faktı mövcuddur.
Auditor rəyi verilmiş maliyyə hesabatına əsasən, maliyyə qurumunun ümumi gəliri 6 mln. 783,62 min manat, o cümlədən sığorta pulu 5 ml. 227,92 min manat. investisiya gəlirləri 669,97 min manat təşkil edib.
Şirkətin xərcləri 7 mln. 677,87 min manat təşkil edib. Xərclərin ən çox hissəsi sığorta ödənişlərinə düşür - 3 mln. 352,02 min manat, sığorta işinin aparılmasına 2 mln. 873,54 min manat, təkrar sığortaya verilmiş risklərə 1 mln. 61,99 min manat xərclənib.
Aktivlər 7,7% azalaraq, 10 mln. 965,89 min manat, öhdəliklər 1,8% azalaraq, 6 mln. 487,44 min manat təşkil edib. Şirkətin kapitalı 12, 9 % azalaraq, 4 mln. 697,13 min manat təşkil edib. Banklarda yerləşdirilmiş depozitlərin ölçüsü də 7,1 mln. manata qədər (-6%) azalıb.
7,3 mln. manat nizamnamə kapitalı olan "Buta Sığorta" ASC yerli sığorta bazarında 1996-cı ildən fəaliyyət göstərir və "NAB şirkətlər qrupu"nun strukturuna daxildir. -17D-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz