Şirvan şəhərində Müdafiə və Sənaye Nazirliyinin “Telemexanika” zavodunda partlayışla əlaqədar 19 nəfər mərkəzi şəhər xəstəxanasına yerləşdirilib.
Xəstəxanadakı mənbənin Turan-a verdiyi məlumata görə, zərərçəkmişlərdən 6-sı güclü yanıq xəsarəti alıb, onlardan birinin vəziyyəti çox ağırdır.
Bundan başqa, 9 nəfər müxtəlif dərəcəli zəhərlənmələrlə xəstəxanaya daxil olub. Onların 7-si ambulator yardım göstərildikdən sonra evə göndərilib. Digər zərərçəkmişlər müxtəlif xəsarətlərlə xəstəxanaya yerləşdirilib.
Xatırladaq ki, bugünki partlayış nəticəsində bir nəfər həlak olub.
Şəhər prokurorluğundan Turan agentliyinə bildiriblər ki, hələlik cinayət işi açılmayıb.
Hadisə yerində ekspertlər və kriminalistlər işləyir. İş açılması haqqında məsələyə onların rəylərindən sonra baxılacaq, deyə prokurorluq nümayəndəsi bildirib.
Beləliklə, güclü partlayışın və daha sonra baş verən yanğının səbəbləri hələlik məlum deyil. -0B06-
2015 İyul 06 (Bazar ertəsi) 14:30:22
Bu gün səhər Azərbaycan Müdafiə Sənayesi Nazirliyinin Şirvan şəhərindəki telemexanika zavodunda partlayış olub.
Səhiyyə Nazirliyinin məlumatına görə, 19 nəfər yaralanıb. Onların vəziyyəti orta və yüngül ağır kimi qiymətləndirilir. Zərərçəkənlər zəhərlənmə və yüngül yanıq diaqnozu ilə xəstəxanaya yerləşdirilib. Hadisə yerində 5 briqada işləyir. Qeyri-rəsmi məlumata görə, bir nəfər həlak olub.
Fakt üzrə təhqiqat başlayıb. Müəssisədə 245 nəfər çalışır.
Müdafiə Sənayesi Nazirliyindən hadisənin detallarına varmayaraq “istehsalat qəzası”nın baş verdiyini bildiriblər.–16D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz