Bakı/27.04.17/Turan: Bu gün Şirvan Apellyasiya Məhkəməsində jurnalist Əfqan Sadıqovun şikayətinə baxılması davam edib. O, xuliqanlıq ittihamı ilə 2,5 il müddətinə məhkum edilib.
Cəlilabadda fəaliyyət göstərən azel.tv saytının təsisçisi və redaktoru Ə.Sadıqov 2016-cı il noyabrın 22-də saxlanılıb. Ona qarşı xuliqanlıq niyyətilə sağlamlığa ziyan vurmaq maddəsi ilə ittiham irəli sürülüb. Yanvarın 12-də 2,5 il müddətinə azadlıqdan məhrum edilib.
Jurnalist ittihamı rədd edərək bildirib ki, yerli hakimiyyəti tənqid etdiyinə görə ona qarşı təxribat törədilib. Belə ki, o, rayon administrasiyasının binasında olarkən təxribatçılar dava salaraq jurnalisti hücumda ittiham ediblər.
Ə.Sadıqov yerli hüquq müdafiəçiləri tərəfindən siyasi məhbus kimi tanınıb.
Bu gün proses zamanı rayon administrasiyasından cavablar təqdim edilib. Göstərilib ki, insident günü qeyd aparılmayıb, icra başçısının qəbul otağında isə müşahidə kamerası yoxdur.
Bundan əlavə, vəkil Elçin Sadıqovun sözlərinə görə, Cəlilabad Mərkəzi Rayon Xəstəxanasından məhkəməyə cavab daxil olub. Cavabda deyilir ki, rayon administrasiyasından “təcili yardım”a çağırış saat 11.58-də olub. İcra hakimiyyətinin aktında isə göstərilib ki, “təcili yardım” zərərçəkəni saat 10.30-da aparıb.
Bundan öncə xəstəxana zərərçəkənin daxil olma vaxtını 15.30 kimi göstərib və qeyd olunub ki, o, xəstəxanaya özü gedib.
Görünür, təxribatda məqsəd jurnalisti həbs etdirməkdir. Bütün sənədlər saxtalaşdırılıb, vəkil bildirib.
Növbəti iclas mayın 11-nə təyin edilib.—B06--
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz