Vətəndaş Cəmiyyətini Müdafiə Komitəsi (VCMK) avqustun 20-də keçirdiyi toplantıda bir sıra məsələləri müzakirə edib.
Əsasən söhbət Leyla və Arif Yunusun barəsində məhkəmə hökmündən, jurnalist Xədicə İsmayılovanın məhkəməsindən, jurnalist Rasim Əliyevin öldürülməsindən, həmçinin cəzaçəkmə müəssisələrində siyasi məhbusların vəziyyətindən gedib.
Müzakirələrdən sonra vətəndaş cəmiyyətinin müdafiəsi, onun hərtərəfli fəaliyyəti üçün şəraitin yaradılması sahəsində effektiv qarşılıqlı əməkdaşlıq məqsədilə fəaliyyətin koordinasiyası barədə razılığa gəlinib.
Əsas vəzifələr kimi mövcud qanunvericilik çərçivəsində siyasi məhbusların və dustaqların saxlanmaa şəraitinin yaxşılaşdırılması, siyasi məhbusların azadlığa buraxılması üçün tədbirlərin görülməsi və məhkum şəxslərin qanunla müəyyən olunmuş vaxtda azadlğa çıxması göstərilib.
Toplantıda digər məsələlər də müzakirə edilib.—0-
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz