Ötən 2015-ci ildə Azərbaycanda insan hüquqları sahəsində vəziyyət pisləşməkdə davam edib, bu barədə Turan-a Siyasi Məhbusların Monitorinqi Mərkəzinin rəhbəri elşən Həsənov bildirib.
“Ölkədə əsassız həbslər praktikası, qanunazidd məhkəmə qərarları, işgəncədən ölüm, həbsxanalarda və polis şöbələrində intihar cəhdləri davam edir, toplaşmaq azadlığı, söz azadlığı məhdudlaşdırılır, mətbuata təzyiq davam edir, jurnalistlər fiziki hücumlara məruz qalır, şəxsi mülkiyyət hüququ tapdanır”, deyə Həsənov bildirib.
Onun sözlərinə görə, işgəncədə iştirak etmiş vəzifəli şəxslərdən heç kim indiyədək cəzalandırılmayıb.
Beləliklə, Azərbaycanda Avropa İnsan Hüquqları Konvensiyasının maddələri, xüsusən, 3-cü (işgəncələrin qadağan edilməsi), 5-ci (azadlıq və şəxsi toxunulamzlıq hüququ), 6-cı (ədalətli məhkəmə təhqiqatı), 7-ci (müstəsna olaraq qanun əsasında cəzalandırma), 9-cu (fikir, vicdan və din azadlığı) və 11-ci (toplaşmaq və birləşmək azadlığı) maddələri pozulur.
İnsan hüquqları üzrə beynəlxalq təşkilatların nümayəndələri ölkəyə buraxılmır. “Hakimiyyət vətəndaş cəmiyyətinin dialoq və əməkdaşlıq çağırışlarına açıq-aşkar məhəl qoymur. Hesab edirik ki, müxalifətə, vətəndaş cəmiyyətinə münasibətdə qarşıdurma siyasəti sabitlik və hüquqi dövlət quruculuğu üçün müsbət ola bilməz”, deyə Həsənov bildirib.
2016-cı il ərəfəsində hakimiyyət xoş məram nümayiş etdirməli və siyasi məhbusları azad etməli, Avropa Konvensiyasına uyğun olaraq siyasi azadlıqları bərpa etməlidir, deyə o qeyd edib.
* Siyasi Məhbusların Monitorinqi Mərkəzi 2014-cü ilin payızında bir qrup keçmiş “vicdan məhbusu” tərəfindən yaradılıb. -06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz