Azərbaycanda küçədə, istirahət yerində, ictimai yerlərdə və yaşayış evləri yaxınlığında gecə zamanı səs-küy salanları, vətəndaşların istirahətinə mane olanları sərt cəzalar gözləyir. Bu müddəa yeni hazırlanmış İnzibati Xətalar Məcəlləsində əksini tapır.
Belə ki, yeni Məcəllənin 520-ci maddəsinə görə, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə saat 00.00-dan səhər saat 07.00-dək səs-küy salmağa, ucadan mahnı oxumağa, musiqi alətlərini ucadan çalmağa, tele-radioqəbulediciləri, maqnitofon və s. aparatları gur səslə oxutmağa, məişət səs-küyünə qarşı mübarizə tələblərini pozmağa görə fiziki şəxslər 300-400 manat, vəzifəli şəxslər 2500-3500 manat manat arasında cərimə olunacaqlar.
İndiki məcəllədə belə hallarda xəbərdarlıq edilir və ya 30-50 manat arasında cərimə tətbiq edilir.
Yeni məcəllə parlamentin plenar iclasına tövsiyə edilib. Məcəllə qəbul ediləcəyi halda 2016-cı il mayın 1-dən qüvvəyə minir. -05D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz