![AXCP sədrinin müavininin apellyasiya şikayəti təmin edilməyib](https://turan.az/resized/media/2015/main/121400140199-750-500-resize.webp)
AXCP sədrinin müavininin apellyasiya şikayəti təmin edilməyib
Dekabrın 14-də Bakı Apellyasiya Məhkəməsi dövlət əleyhinə kütləvi çağırış etməkdə təqsirləndirilərək, barəsində 3 aylıq həbs qətimkan tədbiri seçilən Azərbaycan Xalq Cəbhəsi Partiyası sədrinin müavini Fuad Qəhrəmanlı barəsində Nəsimi rayon Məhkəməsinin qərarını qüvvədə salxayıb.
Fuad Qəhrəmanlı dekabrın 8-də saxlanılıb. Onun barəsində Cinayət Məsəlləsinin 281.1-ci (Hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma) və 283.2.1-ci (milli, irqi, sosial və ya dini nifrət və düşmənçiliyin salınması - zor tətbiq etməklə və ya zor tətbiq etmə hədəsi ilə törədildikdə) maddələri ilə ittiham irəli sürülüb və onun sosial şəbəkələrdə bu cür çağırışlar etdiyi iddia edilir.
Fuad Qəhrəmanlı məhkəmədə ittihamları qəbul etmədiyini, sosial şəbəkələrdə tənqidi fikirlər səsləndirdiyini deyib.
Vəkil Fəxrəddin Mehdiyev alternativ qətimkan tədbiri ilə bağlı vəsatət verəcəyini bildirib.
Mehdiyev hesab edir ki, Qəhrəmanlıya qarşı Avropa İnsan Hüquqları Konvensiyasının 5-ci maddəsi (Azadlıq və toxunulmazlıq hüququ) pozulub.
“Biz Avropa Məhkəməsinə müraciət edəcəyik”, deyə vəkil qeyd edib.
Mehdiyevin fikrincə, Fuad Qəhrəmanlı müxalifət funksioneri kimi hökumət rəsmilərini tənqid edib və tənqidə görə ittiham irəli sürmək qanunsuzluqdur. -03C-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz