Bakı/31.05.19/Turan: Güney Rəhimova - "Dadaşbəylinin qrupu" işi üzrə məhkum Ceyhun Əliyevin həyat yoldaşı Turan-a 7 saylı cəzaçəkmə müəssisəsində ərinə qarşı təzyiq olduğunu bildirib.
Onun sözlərinə görə, son zamanlar hepatit B xəstəsi olmasına baxmayaraq, Ceyhunu müntəzəm olaraq karserə salırlar. Səbəb Ceyhunun cəzaçəkmə müəssisəsi işçilərinə rüşvət ödəməkdən imtina etməsidir.
"Uydurma bəhanələrlə Ceyhunun əllərini bağlayırlar və rəisin yanına aparırlar, daha sonra isə karserə salırlar. Gah deyirlər sıraya çıxmayıb, gah telefon danışıqlarında ləngiyib. Sonuncu dəfə isə onu radionun səsini çox verməkdə ittiham edərək bir neçə saatlıq karserə salıblar", deyə Rəhimova bildirib.
O, ərinə qarşı təzyiqi özünün bu yaxınlarda üzvü olduğu "Azərbaycan Siyasi Məhbuslarına Azadlıq Uğrunda" İttifaqın (ASMAİ) tədbirlərində iştirakı ilə əlaqələndirir.
Rəhimova həmçinin qeyd edib ki, bir ay əvvəl cəzasının 4/5-nü çəkməsinə baxmayaraq, məhkəmə ərini vaxtından əvvəl şərti azadlığa buraxmaqdan imtina edib.
"Biz Ceyhunun müdafiəsi üçün bütün hüquqi vasitələrdən istifadə edəcəyik. Artıq qanunsuzluq qarşısında susmayacağıq", deyə Rəhimova qeyd edib.
ASMAİ-nin koordinatoru Elşən Həsənov öz növbəsində qeyd edib ki, bu işin fiqurantlarının əksəriyyəti artıq azadlıqdadır.
"Bu işin bütün fiqurantları keçmiş MTN-in özbaşınalığının qurbanları olublar. Onlar əsassız yerə həbsdə 10-12 il yatıblar. Hazırda cəmi üç nəfər: Ceyhun Əliyev, Səid Dadaşbəyli və Cahangir Kərimov həbsdə qalıb. Bu şəxslərin iztirablarına da son qoymağın və onları ailələrinə qaytarmağın vaxtı çatıb", deyə Həsənov bildirib.
* Dadaşbəyli və digər 9 dindar 2007-ci ilin dekabrında uzun müddətə azadlıqdan məhrum ediliblər. Onlar dövlət çevrilişinə cəhddə və bir sıra digər ağır cinayətlərdə ittiham olunublar. Amma istintaq Milli Təhlükəsizlik Nazirliyi tərəfindən çoxsaylı pozuntularla aparılıb. Onlar hamısı siyasi məhbus kimi tanınıblar. Bu gün Səid Dadaşbəyli, Cahangir Kərimov və Ceyhun Əliyev hələ də həbsdədir.
Dadaşbəyli və Kərimovun 13,5 illik azadlıqdan məhrumetmə cəzasının 1 il 2 ayı qalıb. Hepatit B xəstəsi olan Əliyevin isə 14 illik həbs cəzasının 1 il 8 ayı qalıb. -06B-
Cəmiyyət
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
Rəy yaz