Сиявуш Новрузов
Siyasi mühacirin atasının qəbri təhqir olunub
Bakı/05.03.18/Turan: Bu günlərdə siyasi mühacir Vidadi İsgəndərlinin atasınınGöyçay rayonundakı qəbrini təhqir ediblər. Təhqirin əks olunduğu video YouTube kanalında yerləşdirilib. Qəbri təhqir edən şəxslər Vidadi İsgəndərlidən tənqidlərini dayandırmasını tələb edib.
Vidadi İsgəndərli Azərbaycanın prokuroroluq orqanlarında işləyib. Vəzifədən azad edildikdən sonra müxalifətə keçib və hüquq müdafiə fəaliyyəti ilə məşğul olub. Bir neçə dəfə həbs edilib. 2015-ci ildə mühacirətə gedib.
İsgəndərli Azərbaycan hökumətini, yüksək vəzifə tutan şəxsləri, onların ailə üzvlərini, Milli Məclisin deputatlarını kəskin emosional tənqidləri ilə tanınır.
Atasının qəbrinin təhqirindən sonra İsgəndərli YouTube kanalında prezident İlham Əliyev, onun atası Heydər Əliyev, ailə üzvləri, eyni zamanda fövqəladə hallar naziri Kəmaləddin Heydərov, baş prokuror Zakir Qaralov, Milli Məclisin deputatı Qüdrət Həsənquliyevlə bağlı kəskin tənqidi video-müraciətini yerləşdirib. İsgəndərli prezident Əliyevə müraciətində atasının qəbrini təhqir edənlərin dərhal tapılıb həbs edilməsini tələb edir.
"Atam Sovet İttifaqı Qəhrəmanıdır. Atamın qəbrinə qarşı vandallıq edənlərin iki gün müddətinə tapılmasını tələb edirəm", deyə o qeyd edib.
İsgəndərli müraciətində deyir ki, İlham Əliyev qəbri təhqitr edənlərin tapılıb cinayət məsuliyyətinə cəlb edilməsi barədə göstəriş verib.
"Mən iki sutka vaxt verirəm. İstəyirəm ki, bu vandalizm ilə bağlı mövqeyinizi bildirəsiniz", deyə o deyib.
Öz növbəsində, Yeni Azərbaycan Partiyasının icra katibinin müavini Siyavuş Novruzov bildirib ki, hər bir insan mübarizəsini kişi kimi aparmalıdır.
"Daha Vidadi İsgəndərli kimi, ayrı-ayrı insanların şəxsi həyatını, ailəsini və qohumlarını öz çirkin mübarizəsinə şərik etməməlidir. Bu, etik normalara sığmayan hərəkətdir. Ay Vidadi İsgəndərli, siyasi mübarizəni belə kişi kimi aparmaq lazımdır! İndi qaçıb Avropada gizlənmisən deyə, insanların ailəsi və övladları haqqında çirkin, əxlaqsız və yalan fikirlər söyləməlisən?", deyə o qeyd edib. -03B-
-
- Cəmiyyət
- 5 Mart 2018 19:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz