REAL Milli Şuranın mitinqində iştirak etməyəcək
Bakı/05.03.18/REAL Milli Şuranın təşkil etdiyi mitinqlərdə qurum olaraq, təşkilatçılarından biri kimi iştirak etməyəcək. Amma üzvlərinin kütləvi tədbirlərdə öz vətəndaş hüquqlarından istifadə etmələrini öz qərarlarına buraxır. Bu barədə REAL-ın kütləvi aksiyalarla bağlı mövqeyində deyilir.
Xatırladaq ki, Milli Şura aprelin 10-da Məhsul stadionunda keçirəcəyi mitinqdə iştirak etmək üçün növbədənkənar prezident seçkilərində iştirakdan imtina edən qurumlara, o cümlədən REAL-a müraciət edib.
RAEL bildirir ki, sərbəst toplaşmaq hüququ xalqın, vətəndaşların fundamental, konstitusiyada təsbit olunmuş hüquqlarından biridir.
"Mitinqləri, kütləvi aksiyaları təşkil etmək siyasi təşkilatların fəaliyyət istiqamətlərindən biridir, hər bir təşkilatın kütləvi aksiyalar keçirmək hüququ var.
REAL təşkilatı yarandığı ilk gündən bütün qərarları kollektiv şəkildə, ciddi müzakirələrdən sonra verir, elə bu dəfə də cox ciddi, hərtərəfli müzakirələrdən sonra REAL təşklatı Milli Şuranın təşkil etdiyi mitinqlərdə qurum olaraq, təşkilatçılarından biri kimi iştirak etməyəcək, amma üzvlərimizin kütləvi tədbirlərdə öz vətəndaş hüquqlarından istifadə etmələrini öz qərarlarına buraxacaq.
REAL xatırladır ki, digər siyasi məhdudiyyətlərlə yanaşı, prezidentliyə namizədi və İlham Əliyevin əsas rəqibi olan İlqar Məmmədovun qanunsuz şəkildə həbsdə saxlanıldığına və artıq ikinci dəfə Prezident seçkilərində iştirakına süni maneələr yaradıldığına görə bu seçkidə iştirakdan imtina edib.
"Bu səbəblə REAL legitimliyi şübhə doğuran bu seçkidə strateji məqsədlərimizlə üst-üstə düşən alternativ metodlardan istifadə edəcək və seçki nəticələrinin cəmiyyət tərəfindən qəbul olunmaması üçün ardıcıl addımlar atacaq. REAL təşkilatı olaraq bu seçkilərin öncəsi, seçki günü və seçkidən sonrakı proseslər haqqında həm ölkə, həm də beynəlxalq içtimayəti məlumatlandırmaq, həqiqətləri bəyan etmək üçün fəaliyyət planı qəbul edib, həyata keçirəcək", deyə REAL-ın şərhində deyilir.-03D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz