![SOCAR-ın istehsalat sahəsində briqadir həlak olub](https://turan.az/resized/media/2016/main/072700163592-750-500-resize.webp)
SOCAR-ın istehsalat sahəsində briqadir həlak olub
SOCAR-ın “Neftqaztikinti” trestinin 4 saylı tikinti-quraşdırma bölümündə istehsalat qəzası baş verib və nəticədə bir nəfər həlak olub.
SOCAR-ın saytında verilən məlumata görə, hadisə iyulun 26-da saat 18-00-a yaxın “Palçıq pilpiləsi” yatağında estakadanın təmiri zamanı baş verib. İş zamanı tarazlığın pozulması nəticəsində ekskavator-kran aşaraq dənizə düşüb. Kranın kabinəsində olan briqadir Namiq Məmmədov dənizə düşərək boğulub. Onun cəsədi dalğıclar tərəfindən çıxarılıb.
Hadisənin başvermə səbəbləri xüsusi komissiya tərəfindən araşdırılır.06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz