SOCAR rəhbərliyi Türkiyədə Azərbaycan dövlət neft şirkətinin iştirakı olan qurumlarda - Petkim və SOCAR-Türkiyə təşkilatlarında məsul şəxslərin həbsləri haqqında məlumatlarla bağlı kifayət qədər qəribə şərh verib.
"Sadettın Korkut, İlqar Mehmetoğlu, Yasin Atakın həbsi Petkim və SOCAR-ın Türkiyədə fəaliyyəti ilə bağlı deyil. Bu, Türkiyənin müvafiq orqanlarının həyata keçirdiyi hüquqi prosedurdur və SOCAR bu proseduru dəstəkləyir", deyə SOCAR-ın Turan agentliyinin sorğusuna cavabda verdiyi rəsmi şərhdə bildirilir.
Bu zaman dövlət neft şirkətindən bildiriblər ki, Petkim və SOCAR-ın Türkiyədəki digər müəssisələri işini adi rejimdə davam etdirir, bütün layihələr qrafik üzrə həyata keçirilir.
Beləliklə, göründüyü kimi SOCAR "Fetullah Gülenin terror təşkilatına" qarşı cinayət işi çərçivəsində Petkim və SOCAR-ın 13 əməkdaşının həbs edilməsini, daha 12 nəfərdən ölkəni tərk etməmək haqqında iltizam alınmasını normal hesab edir.
Həbs olunanlar arasında Petkim Petrokimya Holding A.Ş.-nin keçmiş icraçı direktoru Saadettin Korkut, habelə azərbaycanlılar - SOCAR-Türkiyə baş direktor müavini İlqar Mehmetoğlu, insan resursları şöbəsinin müdiri Raqif Fərəcov və başqaları var. –06D-
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
Rəy yaz