SOCAR vətəndaşlara sosial şəbəkələrdəki dələduzluqla bağlı polisə xəbər verməyi təklif edir
Bakı/20.05.22/Turan: Sosial şəbəkələrdə SOCAR Azerbaijan adından bahalı avtomobilin kapotunda qız fotosu olan reklam məlumatları yayılır. Mətn hər kəsi öz vəsaitini SOCAR-ın investisiya fonduna yatırmağa, iki gündən sonra xərci çıxarmağa və daha sürətlə zənginləşməyə çağırır.
"SOCAR-ın milli layihəsinə qoyulan sərmayə iki gündə özünü doğruldur və platforma ilə əməkdaşlıq müddətində böyük nəticələr verir. İstifadəçilərin 80 faizi layihədə iştirakdan yarım il sonra daşınmaz əmlak almaq imkanı əldə ediblər", - reklam vəd edir.
Azərbaycan Dövlət Neft Şirkətinin kadr, rejim və informasiya texnologiyaları üzrə vitse-prezidentinin müavini İbrahim Əhmədov Turan-ın sorğusuna cavab olaraq bildirib ki, bu reklamın SOCAR-a aidiyyatı yoxdur.
"SOCAR-ın bu dələduzluq fəaliyyətinə heç bir aidiyyatı yoxdur və bu İnternet- səhifələrdəki məlumatlara görə məsuliyyət daşımır. Vətəndaşları sayıqlığı itirməməyə və belə hallar barədə hüquq-mühafizə orqanlarına məlumat verməyə çağırırıq",- İbrahim Əhmədov deyib. –0—
Rəy yaz
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
1 rəy
Ramiz ceferov
2024-02-25
Socarın adından bsinnavion ltd traed platform şirkətinin broker maşenniki mənim 6567 dollar məbləğində pulumu dələduzluqla mənimsəyib necə köməklik etmək olar