Bakı/17.01.20/Turan: Yanvarın 17-də 24 ailənin yaşadığı keçmiş “Sovetskaya” küçəsi ərazisindəki bir neçə köhnə evin sökülməsinə başlanılıb. Həmin evlərdə 24 ailə yaşayırdı.
Bu ailələrin vəkili Cavad Cavadov Turan-a bildirib ki, sökülmə sakinlərin istəyinə qarşı və məhkəmə qərarı olmadan aparılır.
“İşlərin çoxu məhkəmədədir. Adamlar təklif edilən kompensasiya ilə razı deyil. Məhkəmənin qərarı olmadan adamları küçəyə atıb evlərini sökməyə başlayıblar. Bəzilərinin əşyaları dağılmış evdə qalıb. Söküntü işlərinə Bakı Şəhər İcra Hakimiyyətinin nəzarət şöbəsinin müdiri Zülfəli İsmayılov rəhbərlik edir”, - vəkil bildirib.
Ötən gün həmin evlərə işıq və su verilməsi kəsilib, lakin sonradan kommunal xidmətlər bərpa olunub. Adamlara vəd veriblər ki, Bakı Şəhər İcra Hakimiyyətin nümayəndələri gəlib onlarla görüşəcəklər. Ancaq bunun əvəzinə yanvarın 17-də buldozerlər gətiriblər.
Qeyd edək ki, söhbət Təzə Pir məscidinin yuxarısında yerləşən bir neçə evdən gedir.
Əraziyə polis qüvvələri cəlb edilib, onlar sakinlərin etiraz olaraq yolu bağlamasına imkan verməyiblər.
Bakı İcra Hakimiyyətindən şərh almaq mümkün olmayıb.–21B-
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz