Sivil Toplum Platforması (STP) martın 31-də Bakıda İnsan Hüquqları Evləri Fondunun (HRHF) direktoru Mariya Daxlenin rəhbərlik etdiyi nümayəndə heyəti ilə görüşüb.
STP-nin yaradılmasının səbəbləri, qurumun fəaliyyət istiqamətləri, məqsəd və vəzifələri haqda qonaqlara məlumat verilib.
STP nümayəndələri Azərbaycanda ictimai-siyasi və sosial-iqtisadi durumu, vətəndaş cəmiyyəti institutlarının, insan hüquq və azadlıqlarının vəziyyətini qiymətləndiriblər.
Qarşılıqlı maraq doğuran məsələlər ətrafında fikir mübadiləsi aparılıb.
HRHF nümayəndə heyəti vətəndaş cəmiyyəti və insan hüquqları sahəsində vəziyyətlə tanışlıq məqsədilə Bakıya gəlib və Azərbaycan prezidenti yanında QHT-lərə Dövlət Dəstəyi Şurasının rəhbəri Azay Quliyev də daxil olmaqla, rəsmi şəxslərlə görüşlər keçirib.
M.Daxle qeyd edib ki, HRHF Azərbaycanda öz fəaliyyətinin bərpası imkanlarını və şəraiti öyrənir. Qurumun Bakıdakı ofisinin bərpasının mümkünlüyü də nəzərdən keçirilir.
Bundan öncə rəsmi səviyyədə beynəlxalq donorların işləmək üçün Azərbaycana dəvət edilməsi barədə bəyanatlar səslənib. Həmçinin onların fəaliyyəti üçün qanunverici məhdudiyyətlər azacıq yumşaldılıb. —0-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz