Oktyabrın 26-27-də Strasburqda Azərbaycan və Moldovadan olan hakimlər üçün vətəndaşların məhkəmə sisteminin işindən qane olub-olmamalarına dair sorğuların təhlili üzrə treninq keçirilib.
“Şərq tərəfdaşlığı” proqramı İnformasiya Mərkəzinin məlumatında deyilir ki, məhkəmə sisteminin bütün səviyyələrini təqdim edən on bir milli məhkəmənin üzvləri və Ədliyyə nazirliklərinin, Ədliyyə şuralarının və ali məktəblərin nümayəndələri Avropa Komissiyasının ədalət mühakiməsinin effektivliyi üzrə layihəsi (CEPEJ) çərçivəsində müvafiq treninq keçiblər.
İştirakçılar sorğuların metodologiyasını və məhkəmə sistemlərinin fəaliyyəti haqda anket sorğuların məzmununu öyrəniblər.
Layihə üzrə pilot məhkəmələr yerlərdə CEPEJ layihəsinin milli ekspertləri ilə birlikdə sorğular keçirəcəklər.
Bu treninq sorğuların nəticələrinin təhlili və məhkəmə sisteminin təkmilləşdirilməsi üzrə fəaliyyət planının hazırlanmasında köməklik edəcək.
“Azərbaycanda məhkəmə özünüidarəetmə orqanlarının, məhkəmələrin effektivliyinin artırılmasına, hakimlərin hazırlığının yaxşılaşdırılmasına dəstək” layihəsi Avropa Şurasının və Avropa İttifaqının 2015-2017-ci illər üçün əməkdaşlıq proqramının tərkib hissəsidir. Proqramı Avropa İttifaqı maliyyələşdirir, Avropa Şurası həyata keçirir.02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz