Buzovna qəsəbəsi, Sübhi küçəsi 2 ünvanında yerləşən çoxbloklu doqquzmərtəbəli binanın sakinləri yenidən Bakı şəhər İcra Hakimiyyətinin Mənzil-Kommunal Təsərrüfat Departamentindən şikayətlə Baş Prokurorluğun Korrupsiyaya qarşı Mübarizə Baş İdarəsinə müraciət ediblər.
Bakı şəhər İcra Hakimiyyətinin təqsiri ucbatından binada təmir işləri başa çatdırılmayıb, buna görə yağıntı zamanı binada mənzilləri su basmaqda davam edir.
Bir müddət əvvəl, ötən il dekabrın 16-da Korrupsiyaya qarşı Mübarizə Baş İdarəsinin müdaxiləsindən sonra binada Azimport podradçı şirkəti tərəfindən bir qədər əvvəl dayandırılmış təmir işləri bərpa olunub.
Dekabrın sonlarında işçilər Azərbaycan prezidentinin istifadə etdiyi yol tərəfdən evin fasadını təmir ediblər. Həyət tərəfdən isə fasadda və damda işlər hələ də həyata keçirilməyib.
Baş Prokurorluğun müdaxiləsinə qədər Bakı şəhər İcra Hakimiyyətinin rəhbəri Hacıbala Abutalıbov bina sakinlərinin müraciətlərinə məhəl qoymayıb, indi də belə edir. -0-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz