Sumqayıt şəhər hakimiyyəti AXCP-nin tədbirinə əngəl törədir

 AXCP Simqayıt  şəhər şöbəsi həm məhkəməyə müraciət etməyi,  həm də Şəhər İcra Hakimiyyəti önündə piket keçirməyi nəzərdə tutur. Bu açıqlamanı AXCP Sumqayıt şəhər təşkilatı yayıb.

Bu addıma səbəb kimi Sumqayıt şəhər icra başçısı Eldar Əzizovun partiya təşkilatına konfrans keçirmək üçün icazə verməməsi  göstərilir. Açıqlamada deyilir ki, təxminən 10 gün öncə təşkilat konfrans keçirmək üçün yer ayrılması haqda İcra Hakimiyyətinə müraciət edib. Təşkilatın müraciətinə icra hakimiyyətinin əməkdaşı Seyfəddin Rəhimov absurd cavab verib. Belə ki, S.Rəhimova görə, siyasi partiyalarla iş Şəhər İcra Hakimiyyətinin səlahiyyətlərinə aid deyil, ona görə də partiya təşkilatı müvafiq qaydada aidiyyatı təşkilatlara müraciət etməlidir. Amma S.Rəhimov bu absurd cavabında “aidiyyatı təşkilat”ın hansı qurum olması, harada yerləşməsi və s. “məsələlərə” aydınlıq gətirmir.  

Belə absurd cavab və davranışa görə partiya təşkilatı İcra Hakimiyyətini məhkəməyə verməyi nəzərdə tutur. Bununla yanaşı sərbəst toplaşmaq azadlığı haqda qanundan irəli gələn  tələblərə uyğun İcra Hakimiyyətinin  önündə piket keçirməyi də nəzərdə tutur.     -05D-