![Suriya və İraqda 300 azərbaycanlı həlak olub](https://turan.az/resized/750/500/resize/media/2018/main/012900007226.jpg)
Suriya və İraqda 300 azərbaycanlı həlak olub
Bakı/29.01.18/Turan: Suriya və İraqda hərbi əməliyyatlarda radikal dini qruplaşmaların tərkibində döyüşən 300-ə yaxın azərbaycanlı həlak olub. Bu barədə Dini Qurumlarla İş üzrə Dövlət Komitəsinin sədr müavini Siyavuş Heydərov jurnalistlərə bildirib.
Azərbaycandan kənarda qanunsuz silahlı birləşmələrdə iştiraka görə 92 nəfər məsuliyyətə cəlb edilib. 260 nəfər isə vətəndaşlıqdan məhrum edilib.
Bundan əlavə, S.Heydərovun sözlərinə görə, Suriya və İraqda "radikal qruplaşmaların təsirinə məruz qalan" 300-dən çox azərbaycanlı qadın və uşağın olması barədə məlumat var.
Bir uşaq ölkəyə qaytarılıb, hazırda reabilitasiya prosesi keçir. Yaxın vaxtlarda daha 19 uşaq ölkəyə gətiriləcək. Onlar psixoloq, teoloq və digər mütəxəssislərin iştirakı ilə reabilitasiya prosesinə cəlb olunacaq.-D06--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz