Мирмахмуд Миралиоглу
Bakı/29.01.18/Turan: Klassik Azərbaycan Xalq Cəbhəsi Partiyası (KXCP) 2018-ci ildə keçiriləcək prezident seçkilərinə qatılmağa qərar verib.
Qərar partiyanın Ali Məclisinin bügünkü toplantısında qəbul edilib. Bu haqda partiyanın bu gün yaydığı məlumatda bildirilir. KXCP sədri Mirmahmud Mirəlioğlunun prezidentliyə namizədliyi irəli sürülüb.
Xatırladaq ki, bu il Azərbaycanda prezident seçkiləri oktyabrın 17-də keçiriləcək.
M.Mirəlioğlu 1980-cı illərin əvvəli- 1990-cu illərin sonlarında milli-demokratik hərəkatın fəal iştirakçılarından olub.
1990-cı ildə Azərbaycan Ali Sovetinin deputatı seçilib. 1995-cı ildə Azərbaycanın müstəqilliyi bərpa olunduqdan sonra birinci çağırış Milli Məclisin üzvü olub.
2000-ci ildə M.Mirəlioğlu parlamentə deputat seçilsə də seçkilərin saxtalaşdırılmasına etiraz olaraq mandatdan imtina edib.
KXCP-dən əvvəl, yanvarın 27-də Müsavat Partiyası prezident seçkilərinə qatılmaqla bağlı qərar verib.
Müsavatın prezidentliyə namizədi partiyanın keçmiş başqanı İsa Qəmbərdir.-05D06--
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz