Şuşa rayonunda minatəmizləyən mina partlayışı nəticəsində xəsarət alıb
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
Agentliyin əməkdaşı Elçin Aydın oğlu Quliyev (1981-ci ildə anadan olub) piyada əleyhinə minaya düşüb. Zərərçəkənin "sağ ayağı travmatik amputasiya" olunub, Azərbaycan Minatəmizləmə Agentliyi, Daxili İşlər Nazirliyi və Baş Prokurorluğun birgə məlumatında deyilir.
Quliyevə yerində ilkin tibbi yardım göstərilib, sonra xəstəxanaya yerləşdirilib. Vəziyyəti stabildir.
Faktla bağlı Şuşa Rayon Prokurorluğunda araşdırma aparılır, məlumatda deyilir.
İkinci Qarabağ Müharibəsi başa çatdıqdan sonra, 2020-ci ilin noyabrından 353 nəfər Azərbaycan vətəndaşı, o cümlədən 50 dinc sakin və 15 hərbi qulluqçu mina partlayışlarının qurbanı olub, 288 nəfər xəsarət alıb.
Cəmiyyət
-
İnnovasiya və sürət lideri “Bakcell” ölkənin ilk rəqəmsal bankı “Birbank” ilə əməkdaşlıq çərçivəsində yeni “Birinci” tarif paketini təqdim edir.
-
BMT-nin 11-22 noyabrda Bakıda keçiriləcək iqlim konfransı (COP29) ərəfəsində Bakıya Çin istehsalı olan elektrik mühərrikli 160 avtobus gətirilib. Rəsmi məlumata görə, onlar üçün bütün lazımi cihaz və avadanlıqları olan avtobus parkı da yaradılıb. Noyabrın 2-də prezident İlham Əliyev həmin avtobus parkına baxış da keçirib.
-
2-3 noyabr tarixlərində Azərbaycan-İran sərhədində "Göytəpə" sərhəd dəstəsinin xidməti ərazisində ümumi çəkisi 16 kiloqram 220 qram narkotik vasitənin - marixuana, həşiş və heroinin qaçaqmalçılıq yolu ilə İrandan Azərbaycana keçirilməsinin qarşısı alınıb.
-
Çərşənbə axşamı günün ikinci yarısında paytaxtda yağış yağacağı gözlənilir. Cənub-şərq küləyi günün ikinci yarısında güclü şimal-qərb küləyi ilə əvəz olunacaq.
Rəy yaz