Tağıyev kombinatının işçiləri Prezident Administrasiyasının qarşısında aksiya keçiriblər
Mənzil dələduzluğu ilə üzləşən Hacı Zeynalabdin Tağıyev kombinatına məxsus 4 saylı yataqxananın bir qrup sakini çərşənbə axşamı Prezident Administrasiyasının önündə etiraz aksiyası keçirib. Sakinlər “Ev istəyirik”, “Dələduzları cəzalandırın” və s. şüarlar qaldırıblar.
Polis aksiya iştirakçılarının əllərindəki şüarları alsa da onları ərazidən uzaqlaşdırmayıb. Aksiya iştirakçılarının təmsilçilərini PA-da qəbul ediblər və məsələyə aydınlıq gətiriləcəyini vəd ediblər.
Adı çəkilən yataqxanada 160 ailə və 12 qaçqın ailəsi yaşayır. 2000-ci il zəlzələsindən sonra yataqxana qəzalı hala düşüb.
2004-cü ildə Bakı Şəhər İcra Hakimiyyəti yataqxana sakinləri üçün ev tikilməsi məqsədilə torpaq sahəsi ayırıb. 2008-ci ildə “Oğuz” şirkəti tərəfindən başlanan tikinti 2012-ci ilin yazında başa çatıb. 432 mənzil olmaqla iki 18 mərtəbəli bina tikilib. Bu ilin mayında yataqxanadakı ailələrdən yalnız 80-ə mənzil verilib. Qalan ailələrə aldatmaq yolu ilə mənzildən imtina etmələri, yataqxanada yaşamaq istəmələri barədə sənədə qol çəkdiriblər. Bundan sonra ev ala bilməyən ailələr etiraz aksiyası keçirmək qərarına gəliblər. -05C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz