Bakı/25.05.17/Turan: İyunun 6-da Bakı Apellyasiya Məhkəməsində "Müsəlman Birliyi" Hərəkatının lideri Taleh Bağırzadə və onun 16 tərəfdarının şikayətinə baxılacaq.
Onlarla birlikdə Xalq Cəbhəsi Partiyasının sədr müavini Fuad Qəhrəmanlı da həbs edilib.
Apellyasiyaya Əmir Bayramovun sədrliyi ilə baxılacaq, bu barədə Turan-a məhkəmədəki mənbələr bildirib.
Xatırladaq ki, yuxarıda adı çəkilən şəxslər 2015-ci ilin noyabrında Nardaranda həbs ediliblər və dövlət quruluşunu zorla dəyişdirməyə hazırlıq, qanunsuz silah saxlamaq və digər ciddi cinayətlərdə ittiham edilərək, uzunmüddətli azadlıqdan məhrumetmə cəzalarına məhkum ediliblər.
Birinci instansiya məhkəməsində bu ittihamlar təsdiqini tapmayıb. Müttəhimlər etirafedici ifadələri işgəncə altında verdiklərini iddia ediblər.
Beynəlxalq təşkilatlar ədalətsiz məhkəmə hökmünü pisləyib. Fuad Qəhrəmanlı Nardaran hadisələri ilə ümumiyyətlə əlaqəsi olmayan siyasi məhbus kimi tanınıb. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz