İyulun 10-da Şirvan Apellyasiya məhkəməsində hüquq müdafiəçisi Taleh Xasməmmədovun apelyasiya şikayətinin baxışına başlanıb.
Hakim prosesdə video və foto çəkilişi ilə bağlı vəsatəti təmin etməyib.
Taleh Xasməmmədovun peşə fəaliyyətinə görə şərlənərək həbs edildiyini məhkəmənin diqqətinə çatdırıb. İttihama görə, hüquq müdafiəçisi Ucar rayon Polis Şöbəsinə dəvət olunub və orada polisə fiziki zorakılıq göstərib, stolu və stulları qırıb, ictimai asayişi pozaraq cəmiyyətə açıq hörmətsizlik edib.
Məhkəmədə çıxışı zamanı Taleh Xasməmmədov zərərçəkmiş Ucar rayon Polis Şöbəsinin baş müstəntiqi Nazim Əhmədov tərəfindən hədələnib. Belə ki, baş müstəntiq hüquq müdafiəçisinə “ananı, bacını düşünürsənsə, özünü ağıllı apar” deyərək, onu təhdid edib.
Hakim Taleh Xasməmmədovla ailə üzvlərinin görüşməsinə də icazə verməyib.
Xatırladaq ki, Göyçay və Ucar rayonlarında fəaliyyət göstərən hüquq müdafiəçisi Taleh Xasməmmədov 2011-ci il noyabrın 12-də həbs olunub. 2012-ci il aprelin 20-də Kürdəmir Rayon Məhkəməsinin hökmü ilə 4 il müddətinə azadlıqdan məhrum edilib.
O, xuliqanlıqda və polisə müqavimətdə günahlandırılıb. Taleh Xasməmmədov özünü günahkar bilmir, hüquq müdafiəçisi, bloger kimi fəaliyyətinə görə ondan qisas alındığını hesab edir. -03B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz