Noyabrın 2-də tanınmış vəkil Fariz Namazlı oktyabrın 20-də Bakı Apellyasiya Məhkəməsində baş vermiş insidentlə bağlı Yasamal rayon 28-ci polis bölməsinə çağırılıb.
Vəkilin sözlərinə görə, həmin gün məhkəmədə iştirak edən şəxslər ona hücum ediblər. Lakin 28-ci bölmədən ona bildiriblər ki, həmin şəxslər DİN-in “102” xidmətinə F.Namazlıdan şikayət ediblər. Onlar bildiriblər ki, guya F.Namazlı məhkəmə zalında qadını döyərək ona xəsarət yetirib.
“Şikayətçi qadın ekspertizadan keçib və ekspert yüngül bədən xəsarətlərinin olduğunu bildirib”, - vəkil deyib.
F.Namazlı polisə bildirib ki, heç kimi döyməyib və bədən xəsarəti yetirməyib. Əksinə, özü fiziki hücuma məruz qalıb.
“Bu, məhkəmə zalında müşahidə kamerasındakı qeydlərlə də təsdiqlənir. Biz bu qeydləri polisə təqdim etmişik. Məhkəmə zalında baş verənlər orada aydın şəkildə əksini tapıb”, - F.Namazlı vurğulayıb.
Onun sözlərinə görə, insident qəsdən adam öldürməkdə ittiham olunan Rəsul Fazilovun işi üzrə dinləmələrdə baş verib. F.Namazlı müttəhimin vəkilidir.
Vəkil qismən təkrar məhkəmə istintaqının keçirilməsi barədə vəsatət qaldırdıqdan sonra zalda münaqişə yaranıb.
F.Namazlı bir çox jurnalistin, vətəndaş və siyasi fəalın hüquqlarının müdafiəsi ilə tanınır.—06D--
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz