Beyləqan rayonunun Milabad kəndinin 1,5 kilometrliyində Daşburun qəsəbəsi istiqamətində tank dayanacağı uçurub və iki avtomobili zədələyərək beton kanala düşüb. Xəsarət alan yoxdur. Bu barədə Turan-a Milabad qəsəbə icra nümayəndəliyindən bildirilib.
Tank yaxınlıqdakı hərbi hissəyə məxsusdur və sürücü əsgər tankı dayandıra bilməyib.
Beyləqan Rayon Prokurorluğu faktı Turan agentliyinə təsdiq edib. Hazırda hadisə yerində araşdırma aparılır.
Müdafiə Nazirliyinin mətbuat xidməti hadisə ilə bağlı dəqiqləşdirmə aparıb 5-10 dəqiqəyə cavab verəcəyini bildirsə də sonradan mətbuat xidmətinin telefonu avtomatik cavab siqnalına birləşdirilib. -03B-
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz