2013-cü il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1501,7 min nəfərə çatıb. Bu, yanvardakından 24 min nəfər və ya 1,6% çoxdur. Dövlətstatkomun məlumatına görə, qeyri-dövlət bölməsində fəaliyyətin nəticəsidir. Orda işçi sayı 578,6 mindən 603,3 minə (+4,2%) artıb.
Dövlətstatkomda bildiriblər ki, muzdlu işçilərin sektorial strukturu da dəyişib. Oktyabrın əvvəli üçün muzdlu işçilərin 22,4%-i təhsildə (ilin əvvəlində 22,7%), 8,7 faizi (8,8%) əhaliyə səhiyyə və sosial xidmətlərin göstərilməsində, 1,7 faizi (1,8%) informasiya və rabitə sahəsində, 7,3 faizi (7,5%) tikintidə çalışıb.
2012-ci ildə təhsil və səhiyyə işçiləri 2005-ci illə müqayisədə azalsa da (2,8% və 1,2%), dövlət idarəçiliyi, müdafiə və sosial təminat təşkilatlarında işçi sayı 48,2 mindən 95,6 min nəfərə artıb. Emal sənayesində deyilən dövrdə işçi sayı 104,5 mindən 97,6 min nəfərə (-6,7%) düşüb.
DSK-ya görə, 2012-ci ildə 180 275 nəfər işə qəbul edilib, 113 508 nəfər azad edilib. Bunun 3 561 nəfəri ixtisara düşüb. 08D
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz