![Təhlükəsizlik sektorunda itkinin sayı 70 nəfərdən çoxdur](https://turan.az/resized/750/500/resize/media/2013/main/100200051891.jpg)
Təhlükəsizlik sektorunda itkinin sayı 70 nəfərdən çoxdur
“Doktrina” Jurnalistlərin Hərbi Araşdırmalar Mərkəzi 2013-cü ilin yanvar-sentyabr dövründə ölkənin təhlükəsizlik və müdafiə sektoru üzrə itkilərini açıqlayıb.
Bu müddətdə adı çəkilən sektor 71 nəfər itirib. Daha 74 nəfər isə yaralanıb və ya xəsarət alıb.
İtkilərin 9-u döyüş, 62-si isə qeyri-döyüş itkiləridir. C.Naxçıvanski adına hərbi liseyin bir kursantı naməlum səbəbdən dünyasını dəyişib (hərbi qulluqçu statusuna malik olmadığına görə siyahıda ayrıca qeyd olunur).
15 nəfər intihar, 12 nəfər avtoqəza, 10 nəfər xəstəlik, 9 nəfər bədbəxt hadisə, 6 nəfər qeyri-nizamnamə davranışları, 3 nəfər vertolyot qəzası, 3 nəfər naməlum səbəb, 2 nəfər ehtiyatsızlıq, 2 nəfər mülki şəxs tərəfindən qətlə yetirilməsi nəticəsində dünyasını dəyişib.
Dünyasını dəyişənlərin 55-i Müdafiə Nazirliyinin, 8-i Daxili Qoşunların, 4-ü Dövlət Sərhəd Xidmətinin, 2-si Fövqəladə Hallar Nazirliyinin 1-i XDMI-nin, 1-i Səfərbərlik və Hərbi Xidmətə Çağırış üzrə Dövlət Xidmətinin hərbi qulluqçularıdır.
Yaralılara və xəsarət alanlara gəlincə, 40 nəfər avtoqəza, 13 nəfər qeyri-nizamnamə davranışları, 8 nəfər erməni gülləsi, 5 nəfər intihara cəhd, 3 nəfər mülki şəxslərlə dava, 4 nəfər bədbəxt hadisə, 1 nəfər mina partlayışı nəticəsində ya yaralanıb və ya xəsarət alıb.
Xəsarət alanlardan 51-i Müdafiə Nazirliyinin, 18-i Daxili Qoşunların, 5-i Dövlət Sərhəd Xidmətinin hərbi qulluqçusudur. -05D-
-
- İqtisadiyyat
- 2 Oktyabr 2013 11:40
-
- Siyasət
- 2 Oktyabr 2013 13:20
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz