Milli Şuranın prezidentliyə namizədi Cəmil Həsənlinin səlahiyyətli nümayəndəsi Müstafa Hacılı dünən axşam saatlarında Xətai rayon 34 saylı polis bölməsinə çağırılıb. Bu haqda Turan-a M.Hacılı özü bildirib.
M.Hacılının polisə çağırılması C.Həsənlinin sentyabrın 29-da “Bakı” Mədəniyyət Evində keçirdiyi görüşlə bağlı olub. Belə ki, həmin görüşə Xətai Rayon İcra Hakimiyyəti təxribatçı şəxslər göndərib. Bu şəxslər C.Həsənlinin çıxışına mane olmağa, əleyhinə şüarlar söyləməyə cəhd ediblər. Görüşün təşkilatçısı kimi M.Hacılı bu adamları polisə göstərərək zaldan çıxarılmalarına nail olub.
Görüşdən sonra həmin təxribatçılardan biri, Mənzil-İstismar İdarəsinin əməkdaşı olan şəxs polisə şikayət edərək görüş zamanı arxadan başına yumruq vurulması, zərbə nəticəsində burnunun oturacağa dəyərək qanaması barədə şikayət edib.
Bu məsələ ilə bağlı araşdırmanı bölmənin təhqiqatçısı Zülfü Vənətiyev aparır. “Bu da təxribatdır, zalda edə bilmədikləri təxribatı hüquq-mühafizə orqanları vasitəsilə davam etdirmək cəhdidir”, - M.Hacılı vurğulayıb. -05B-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz