"AccessBank" QSC AccessQazanc xidmətinə başlayıb.
Bundan sonra AccessBank plastik kartı ilə ödəniş edən müştərilər AccessQazanc layihəsi üzrə tərəfdaşlıq edən ticarət nöqtələrində ödəniş edərkən ödədikləri məbləğin 17%-dək hissəsini kartlarına geri alacaqlar.
AccessQazanc – bank kartı ilə ödənilən malın dəyərinin bir qisminin geri qaytarılmasını nəzərdə tutan unikal bir xidmətdir. Yəni mala və ya xidmətə görə ödənilən məbləğin müəyyən hissəsi müştərinin kart hesabına geri qaytarılır. Qaytarılan məbləğ ödəniş edən zaman müştərilərə təqdim olunan çeklərin üzərində göstərilir. Müştərilər bu xidmətdən müxtəlif marketlərdə, restoranlarda, eləcə də geyim, ayaqqabı, məişət texnikası, mobil telefon mağazalarında, tibbi mərkəzlərdə və digər ticarət obyektlərində və xidmət sahələrində istifadə edə bilərlər. AccessQazanc layihəsi Bankın həm debet, həm də kredit kartlarının sahibləri üçün nəzərdə tutulub. Qaytarılan vəsait daha sonra istənilən qaydada istifadə oluna, o cümlədən bankomatlardan nağd şəkildə çıxarıla bilər.
AccessBankın kart sahibləri bu xidmətdən istifadə edib mənfəət əldə edə bilərlər. AccessQazanc layihəsinə qoşulan təşkilatların siyahısını keçiddən öyrənmək olar. AccessBank 2002-ci ildə QDTİB, AYİB, BMK, KfW, Access Holding və Almaniyanın məsləhətçilik şirkəti olan LFS Financial Systems (LFS) kimi təşkilatlar tərəfindən yaradılıb. –15D--
İqtisadiyyat
-
«Caspian International Investment Company» 2023-cü ili 557 min manat xalis zərərlə başa vurub ki, bu da zərərlərin dörd dəfə çox olduğu əvvəlki illə müqayisədə xeyli yaxşılaşma deməkdir. Şirkətin il ərzində vergiyə qədər itkiləri 264 min manat təşkil edib ki, bu da 2022-ci illə müqayisədə 11 dəfə azdır. Gəlir vergisi ödənişlərinin isə 293 min manat olması strateji fiskal idarəetmə sayəsində əldə olunan səmərəliliyi vurğulayır.
-
Bazar ertəsi Bakıda 24-cü Respublika Arıçılıq Sərgi-Yarmarkası açılıb və orada 120 tona yaxın bal məhsulu satılır. Azərbaycanın 39 rayonundan 275 arıçının iştirak etdiyi tədbir sentyabrın 29-dək davam edəcək.
-
BAKI, 10 sentyabr (Reuters) – “Chain Reaction 2024” konfransı 10 sentyabr tarixində Bakı şəhərində başlamışdır və texnologiya sektorundan liderləri və yenilikçiləri bir araya gətirmişdir. FARI Solutions tərəfindən dördüncü sənaye inqilabı üzrə Təhlil və Koordinasiya Mərkəzi və İnnovasiya və Rəqəmsal İnkişaf Agentliyi ilə əməkdaşlıqda təşkil olunan tədbir, dünyanın ən böyük kriptovalyuta birjası olan Binance tərəfindən dəstəklənir.
-
Azərbaycan hökuməti Baş nazir Əli Əsədovun 6 sentyabr tarixində imzaladığı qərara əsasən, ali təhsil müəssisələrinin maliyyələşmə mexanizminə dəyişikliklər edib. Dəyişikliklər, bakalavr, magistr, tibb və doktorantura proqramlarında müxtəlif akademik səviyyələr və ixtisaslar üzrə tələbələrin illik təhsil xərclərini yeniləyir.
Rəy yaz