Yusif Eyvazov
Bakı/07.04.23/Turan: Azərbaycanlı opera müğənnisi Yusif Eyvazov Azərbaycan Dövlət Akademik Opera və Balet Teatrının direktoru təyin edilib.
Dramatik tenor kimi tanınan Eyvazov Metropoliten-opera, La Skala,Vyana Dövlət Operası, Böyük Teatr, Paris Milli Operası və digər məşhur opera məkanlarında çıxış edir.
O, İtaliyada keçirilən beynəlxalq müsabiqənin qran-pri və Janandrea Gavazzeni adına fəxri medalın sahibidir.
Onun xanımı dünya opera ulduzu Anna Netrebkodur.
İtaliyada keçiriləcək "Arena di Verona" yay festivalına hazırlaşan Eyvazov hələ təyinatı şərh etməyib.
Azərbaycan Dövlət Akademik Opera və Balet Teatrı 1911-ci ilin əvvəlindən fəaliyyət göstərir. O vaxt azərbaycanlı milyonçu Zeynalabdin Tağıyevin pulu ilə tikilmiş teatra "Mayılov qardaşlarının böyük opera teatrı"adı verilirdi.
Hazırda teatrda rekonstruksiya işləri aparılır. İndiyədək teatra Azərbaycanın əməkdar incəsənət xadimi Akif Məlikov rəhbərlik edib. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz