Tərtərdə mina partlaması nəticəsində üç nəfər xəsarət alıb
Bu gün Tərtər rayonunun Çaylı kəndi ərazisində mina partlaması nəticəsində 3 nəfər xəsarət alıb. Bu barədə DİN, Baş Prokurorluq və ANAMA-nın birgə bəyanatında deyilir.
1969-cu il təvəllüdlü Polad İsmayılov, 1992-ci il tarixli Tağızadə Arzuman və 2006-cı il tarixli Elmir Bağırov minalardan təmizlənməmiş ərazidə heyvan otararkən baş verən mina partlayışı nəticəsində xəsarət alıb.
Bağırov Bərdə Rayon Mərkəzi Xəstəxanasına yerləşdirilib və burada hər iki ayağı amputasiya edilib.
Tağızadə də həmin tibb müəssisəsinə yerləşdirilib.
İsmayılov Tərtər Rayon Mərkəzi Xəstəxanasına aparılıb, onun vəziyyəti ağır olaraq qiymətləndirilir.
DİN, Baş Prokurorluq və ANAMA bir daha vətəndaşları təhlükəsizlik qaydalarına riayət etməyə, bələd olmadıqları ərazilərə daxil olmamağa və təhlükə bildirən bütün əlamətlərə diqqətlə yanaşmağa çağırır.
Cəmiyyət
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
Rəy yaz