Zaqatala rayonunda yolu bağlayan fəhlələrin tələbləri təmin ediləcək. Bu barədə onların 3 aylıq maaşını gecikdirən Trans-Beton şirkətinin rəhbərliyi vəd edib. Maaşların gecikdirilməsindən qəzəblənən fəhlələr fevralın 25-də Qax-Zaqatala yolunu kəsərək, pullarını tələb ediblər.
Bu, narazı fəhlələrin ilk aksiyası deyil. Zəlzələdən ziyan dəymiş zonada bərpa işlərinə FHN rəhbərlik edir və podratçıları tendersiz seçir.
“Kür” vətəndaş cəmiyyəti qərargahının monitorinqi göstərib ki, fəhlələrlə müqavilə bağlanmır, maaşlar yarı-qanuni şəkildə verilir, təhlükəsizlik qaydaları kobud şəkildə pozulur, vəsaitlərin xərclənməsində şəffaflıq yoxdur.
Zaqatala rayonunda 7 may 2011-ci ildə baş vermiş zəlzələ Qax və Şəkini də əhatə edib. İyunda 3500-ə yaxın ev, 35 məktəb tikintisi, habelə minlərlə evin təmiri üçün 320 mln. manat ayrılıb. Lakin bu vədlər yerinə yetirilməyib. FH naziri Kəmaləddin Heydərov yanvarın 7-də bildirib ki, 2984 ev və 22 məktəb tikilib, amma “Kür” qərargahının monitorinqi göstərib ki, evlərin təxminən 30%-i hələ təhvil verilməyib.
2,5 minə yaxın ailə isə qonşu Balakən rayonunda kömək gözləyir. Ötən ilin sentyabr ayında Balakəndə də güclü zəlzələ baş verib. -0-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz