Xocalıda hərbi cinayətləri kim törədib?

Artıq uzun illərdir Ermənistan tərəfi Xocalı sakinlərinin kütləvi qətli ilə bağlı ittihamları qəbul etməyərək, bu cinayətin törədilməsində Azərbaycanlıları ittiham edir.

Ermənilərin tezisləri təxminən aşağıdakı kimidir: dəhliz var idi, insanlar çıxdılar və Ağdamın girəcəyində Xalq Cəbhəsinin döyüşçüləri onları güllələdir. Bu, o vaxtki prezident Mütəllibovun devrilməsi üçün qəsdən edilib, digər versiyaya görə isə bu, qaranlıqda səhvən baş verib.

Dəlil kimi ermənilər güllələmənin Azərbaycanın nəzarəti altında olan ərazidə baş verdiyini və ermənilərin istəsələr belə orada ola bilməyəcəyini iddia edirlər.

Uzun müddət erməni tərəfi bəyan edirdi ki, insanları öldürmək istəsə bunu şəhərin özündə edərdi, onun hüdudlarından kənarda deyil. Lakin Viktoriya İvlevanın güllələnmiş qadın və uşaqları əks etdirən fotoşəkilləri üzə çıxdıqdan sonra ermənilər Xocalıda 11 nəfər dinc sakinin öldürüldüyünü etiraf etdilər. Amma qalanların hamısı Azərbaycanlıların işidir, həm də 613 nəfər deyil, daha çox insan qətlə yetirilib və bu barədə həkimin Azərbaycan mediasında dərc edilmiş arayışı var.

Bu dəlilləri irəli sürərkən Ermənistan tərəfi unudur ki, onları təkzib edən dəlillər və sənədlər var. Uzun illər Azərbaycan tərəfi diqqəti yeganə dəlil kimi yalnız Çingiz Mustafayevin çəkilişlərinə cəmləşdirirdi. Lakin bir bu qədər sənəd dəyəri olan ən az iki videoçəkiliş var. Onlardan biri Seyidağa Mövsümlünün Ağdam rayonunun içərisində, Azərbaycan mövqelərindən bir neçə km məsafədə apardığı çəkilişlərdir.

Bu çəkilişlərdə bir neçə kv kilometr ərazidə yüzlərlə cəsədin yayıldığını sübut edən kifayət qədər material var. Çəkilişlər başqa yerdə deyil, məhz Əsgəran yaxınlığında aparıldığını sübut edir.

Kadrda Əsgəran rayonundan sahə komandiri Vitali Balasanyanın olması da tutarlı sübutdur. Onun Azərbaycan ərazisində azərbaycanlılarla birlikdə cəsədləri topladığını təsəvvür etmək çətindir.  Balasanyan özü də bir müddət mühasirədən çıxan xocalıları gülləbaran etdiklərini və onlar arasında ölənlər olduğunu etiraf edib.

Agasi Hunnun fevralın 26-da səhər saatlarında Qaraqaya qayasında (Şəlli kəndi yaxınlığında) apardığı çəkilişlər göstərir ki, xocalılılar səhərə yaxın mühasirədən çıxırdılar və ağdamlılar sözün əsl mənasında onları ermənilərin əlindən alırdı. Buna görə “qaranlıqda səhvən güllələnmə” haqqında dəlillər mənasızdır.

Bütün bu materiallar Litva kinematoqrafçılarının yeni “Sonsuz dəhliz” sənədli filmində toplanıb və bu film ekranlara çıxdıqda ermənilər təqsirsizliklərinin yeni “dəlillərini” axtarmaq məcburiyyətində qalacaqlar.

Yeri gəlmişkən, bu film Xocalının ələ keçirilməsində 366-cı alayın iştirakının yeni dəlilidir. Həm də informasiyanın mənbəyi erməni sənədidir. -02В-