Nizami küçəsi, 90 A ünvanında yerləşən The Landmark Hotel Baku çoxfunksiyalı kompleks Vətəndaş Cəmiyyətini Müdafiə Komitəsinin “Vətəndaş cəmiyyətinin hazırki vəziyyəti: dəyişikliklər üçün nə etməli?” mövzusunda dörd saatlıq forum keçirməsindən imtina edib.
Kompleksin meneceri Ülkər Mərdanova forumun təşkilatçılarından biri olan Mehman Əliyevə bildirib ki, rəhbərlik müstəsna olaraq mədəniyyət xarakterli tədbirlər keçirilməsi üçün yer vermək qərarı qəbul edib. O, bunu Azərbaycan QHT və KİV nümayəndələrinin toplantısının hansı məsələ ilə bağlı keçirildiyini öyrəndikdən sonra bildirib.
Əvvəllər Landmark digər otellərdən və biznes mərkəzlərindən fərqli olaraq bu cür tədbirlərin keçirilməsi üçün yer verirdi.
Son iki ildə Azərbaycan hakimiyyəti bütün otellərə və biznes mərkəzlərinə müstəqil QHT və KİV-ə tədbir keçirmə üçün yer verməməyi tapşırıb, bununla da kommersiya müəssisələrində belə toplaşmaq azadlığına senzura tətbiq edib. -0-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz