“Kabel TV sistemi daxilində NTV telekanalı müqavilə əsasında yayımlanır və onun yayımında hər hansı qanunsuzluq yoxdur”. Bu şərhi Turan-a Milli Tele-Radio Şurasının (MTRŞ) Aparat rəhbəri Toğrul Məmmədov verib.
T.Məmmədova görə, problem telekanalın kodlaşdırılmış, xüsusi avdanlıq vasitəsilə yayımlanan kartlarının satışındadır: “Bu kartlar MTRŞ-dən lisenziya alınmadan satılır və bir sıra şirkətlər bununla uzun müddətdir ki, məşğul olurlar və bununla bağlı aidiyyatı qurumlara müraciət etmişik”.
Aparat rəhbəri deyir ki, bu, qanunsuz yayım olmaqla yanaşı, həm də qanunsuz sahibkarlıq fəaliyyətidir və bunun qarşısı alınmalıdır.
Xatırladaq ki, bəzi xəbər agentlikləri MTRŞ sədri Nuşirəvan Məhərrəmlinin aprelin 5-də parlamentin komitə iclasında “Kabel şəbəkəsi yayımı haqqında” qanun layihəsinin müzakriəsində çıxış edərək, “NTV+” telekanalının qanunsuz yayımlanması haqqında bəyanat səsləndirməsi haqda informasiya yayıblar. -0-
2017 Aprel 05 (Çərşənbə) 16:48:22
Bu gün Milli Məclisin Mədəniyyət komitəsinin iclası keçirilib. İclasda “Kabel şəbəkəsi yayımı haqqında” qanun layihəsinin müzakirəsi aparılıb.
Komitə sədri Rafael Hüseynov qeyd edib ki, Azərbaycanda 17 kabel yayımçısı fəaliyyət göstərir. Amma bu sahədə sui-istifadə halları var və bu sahəni tənzimləyən ayrıca bir qanun qəbul edilməlidir.
Milli Teleradio Şurasının sədri Nuşirəvan Məhərrəmli bildirib ki, çoxmərtəbəli binaların əksəriyyətində qanunsuz kabel yayımı ilə məşğul olan şəxslər var. Yeni qanunun məqsədi buna qarşı mübarizə aparmaqdır.
"Bununla bağlı hüquq-mühafizə orqanlarına, Vergilər Nazirliyə müraciət etmişik, amma nəticə yoxdur. Bizim də ayrı-ayrılıqda hər bir evə girmək səlahiyyətimiz yoxdur. Amma bu qurumlar bu işin öhdəsindən gələ bilərlər", deyə Məhərrəmli bildirib.
O, "NTV+" televiziya kanalının Azərbaycanda qeyri-qanuni yayımlandığını xatırladıb. MTRŞ bu məsələ ilə bağlı məhkəməyə və aidiyyəti quruma müraciət etsə də, kanalın yayımı kabel şəbəkəsində davam etdirilir, deyə o bildirib.
Xarici telekanlların yayımladığı reklamlara toxunan MTRŞ rəhbəri bu reklamların yerli reklam bazarına birbaşa ziyan vurduğunu deyir. Buna görə də kabel şəbəkəsi ilə yayımlanan xarici kanalların reklamı məhdudlaşdırılmalıdır.
Məhərrəmlinin sözlərinə görə, Azərbaycanda kabel yayımı ilə məşğul olan 17 fiziki və hüquqi şəxs, İnternet vasitəsilə yayım həyata keçirən 15 şəxs var.
Müzakirələrin yekunlarına görə qanun layihəsi baxılması üçün Milli Məclisə təqdim edilib. -16D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz