Tofiq Yaqublu. Açiq mənbələrdən foto.
Bakı/10.09.20/Turan: Müxalif siyasətçi Tofiq Yaqublunun qızı və həyat yoldaşı sentyabrın 10-da 3 saylı Şüvəlan İstintaq Təcridxanasında ona baş çəkə bilib.
“Atamın vəziyyəti yaxşı deyil. O, görüş yerinə səndələyə-səndələyə çətinliklə gəldi. Başı fırlanır, divardan tuta-tuta gəlirdi. Çox zəifdir, xeyli arıqlayıb”, deyə Yaqublunun qızı Nigar Həzi Turan agentliyinə bildirib.
O qeyd edib ki, səhərdən onlara görüş vermirdilər, bir neçə saat sonra görüşə nail ola biliblər. “Atam dedi ki, çətinliklə ayağa durur. Sümükləri sızıldayır, dabanları yanır. Buna görə o, ayaq üstdə gözləyirdi ki, oturub yenidən durmasın, bir neçə saat beləcə gözləyib.
Onu görüşə çağırdıqda isə ürəyi gedib, həkim çağırıblar. Həkimlər təzyiqini ölçüb, 90/60-a düşmüşdü. Ona dərman verməyiblər, çünki o, acdır və dərman mədəsinə zərər verə bilər. Həkimlər atamın özünə gəlməyini gözləyiblər, sonra görüşə buraxıblar”, deyə Həzi bildirib.
Onun sözlərinə görə, Yaqublu sanitar hissəyə köçürülmək istəmir, belə ki, kamerada kamera yoldaşları ona kömək edirlər.
Siyasətçini gündə iki dəfə həkimlər müayinə edir. Amma rəsmi qurumlardan heç kim onun vəziyyəti ilə maraqlanmayıb. Bir müddət əvvəl ombudsman Səbinə Əliyeva və İstintaq Təcridxanası rəhbərliyi aclığı dayandırmağı xahiş ediblər. Amma Yaqublu boyun əymir.
Həzi onun sözlərindən sitat gətirib: “Ölsəm bilərəm ki, vətən uğrunda ölmüşəm. İndi 60 yaşım var, azadlığa çıxdıqda 65 yaşım olacaq. Onsuz da azadlığa çıxdıqdan 2 ay sonra yenidən böhtan dolu ittihamla həbs edəcəklər.Həbsxanalarda yaşamaqdansa, ya indi ölmək, ya da azadlığa çıxmaq yaxşıdır. Geriyə yol yoxdur, qərarım qəti, iradəm möhkəmdir”.
“Ya İlham Əliyev Tofiq Yaqublunu azad edəcək, ya da atamın ölümü bu hakimiyyətin məhvinin başlanğıcının siqnalı olacaq”, deyə Həzi bildirib.
O, həmçinin bildirib ki, sentyabrın 9-da Böyük Britaniya səfirliyində onun və Yaqublunun vəkilinin Birləşmiş Krallıq və Aİ diplomatik missiyalarının nümayəndələri ilə görüşü keçirilib. Onlar diplomatlara Yaqublunun səhhəti, aclıq aksiyası barədə məlumat veriblər.
“Biz dedik ki, Azərbaycan rəhbərliyinə qarşı sanksiyalar olmasa, atamı buraxmayacaqlar”, deyə Həzi bildirib.
Böyük Britaniya səfirliyi də Həzinin və Yaqublunun vəkilinin Qərb diplomatları ilə görüşü haqqında məlumat dərc edib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz